الاثنين، 20 يوليو، 2015

كتاب مرآة أم نافذة (كيف تفك شفرة الصورة الفوتوغرافية) لياسر علوان

منذ حوالي شهر تقريبا قادني تصفحي للفيسبوك الي مشاركة من الفنان الجميل مصطفي الشرشابي تتحدث عن كتاب مرآة أم نافذة (كيف تفك شفرة الصورة الفوتوغرافية) لياسر علوان. وبالرغم من ان اهتماماتي في هذا الوقت كانت متجهة الي النواحي التقنية في التصوير الفوتوغرافي - اللي مش بيتكلم عنها الكتاب - الا اني لسبب ما قمت بشراء الكتاب في حينه وقراته بعناية شديدة.
الكتاب من الكتب اللي احدثت تغيير عميق في الجانب من شخصيتي الخاص بالفوتوغرافيا وفي طريقتي لقراءة الصور الفوتوغرافية وخاصة الصحفية منها، بالاضافة الي انه خلاني اعيد التفكير فيما كنت اعتقد انه ثوابت.
خرجت من الكتاب بشوية تساؤلات:
ياتري الصورة اللي بنشوفها في الجرنال - في غياب السياق السابق واللاحق لتصويرها - بتقول الحقيقة؟
هل المواضيع اللي انا مهتم بتصويرها في الوقت الحالي (تحديدا العمارة الاسلامية القديمة في القاهرة) بتعبر عن مصر فعلا؟ واللا فيه مصر تانية - بجمالها، بقبحها، بطيبتها وقسوتها - زي مصر اللي في صورة عم رجب، في صفحة ١٠٦ من الكتاب؟
اجابة السؤال الاخير كانت في الصور اللي بتتصور في رحلات التصوير بتاعة الاستاذ مصطفي الشرشابي (اللي بالمناسبة لم اشرف بحضور احداها حتي الآن)، وفي مشروعات زي "مصريين” لاحمد هيمن ...

الجمعة، 5 يونيو، 2015

التغيير

… وفى وقت ما يصبح ما كنا نعتقده بالامس غير مقبول اليوم، وتتملكنا رغبة قوية فى التغيير. ويبدا النزاع بين هذه الرغبة وبين خوفنا من خسارة ما نعتقد انه مكاسب ضيعنا حياتنا علشان نبنيها ونحافظ عليها.
وبسبب خوفنا من التغيير بنوجد لنفسنا مبررات علشان مانتغيرش ونفضل فى الحال اللى اتعودنا عليه - واللى لو كنا راضيين عنه لما وجدت بداخلنا هذه الرغبة فى التغيير.
افضل ما يمكن ان نقدمه لانفسنا في هذه الحال، ان نتبع قلبنا وندعوا الله ان ينير لنا طريقنا.
في لحظة حاتنور الدنيا من حوالينا ويروح الخوف، ويتضح لنا ما يتوجب علينا فعله 
الصورة من مسجد ابن طولون

الأربعاء، 27 مايو، 2015

الخلاص من شاوشانك

وتمر علينا اوقات صعبة تظلم الدنيا من حوالينا ونشعر ان مشاكلنا اكبر مننا وانها لن تحل واننا حانفضل محبوسين
فى الاوقات اللى من النوع ده بافتكر "الخلاص من شاوشانك"، واحد من الافلام السينمائية اللى غيرت من طريقتى فى التعامل مع الحياة. الفيلم بيحكى عن اندى اللى اتحكم عليه ظلما بالسجن مدى الحياة بعد ادانته فى جريمة قتل زوجته وعشيقها، وبيلاقى نفسه فى واحد من اسوا السجون (شاوشانك).
اندى قرر يعمل حاجتين:
اولا: يفضل محتفظ بالانسان اللى جواه عن طريق محاولة تغيير الواقع المؤلم اللى الظروف حطته فيه للافضل مش بس ليه لكن كمان للى حواليه.
ثانيا: وضع خطة طويلة الامد للخلاص من الواقع المؤلم ده.
فى النهاية بينجح اندى فى الهروب من السجن بعد ان استغرق سنوات فى حفر نفق باستخدام مطرقة صغيرة، وبيحقق الهدف اللى كان محدده من اول دخوله السجن. اندى عبر الحدود واستقر فى منطقة فى المكسيك على المحيط، وبدا مشروع الفندق والسفينة اللى كان مخطط له.
حاجتين اتعلمتهم من الفيلم:
اولا: استسلامنا للواقع المظلم اللى اتفرض علينا سيفقدنا الانسان اللى بداخلنا، وبعد شوية حانقبل هذا الواقع ونتناغم معه، ويمكن كمان نحبه وندافع عنه، لكن محاولة تغييره للافضل، حتى ان فشلت، فعلى اقل تقدير ستمكنا من الاحتفاظ بالنور اللى جوانا واللى حانحتاجه لما الواقع يتغير ويتبدد الظلام.
ثانيا: الخروج من الواقع المظلم قرار، قد يبدو صعب او مستحيل التحقيق، لكن لو عندك صدق وموقن من النتيجة حاتخرج حتى لو باستخدام مطرقة فى حجم كف الايد زى بتاعة اندى.

الأربعاء، 13 مايو، 2015

من الظلام الى النور

الصورة من مجموعة صور اشتغلت عليها مؤخراً فى محاولة لتطوير قدراتى الفوتوغرافية، واللى جزء كبير منهم بيدور حوالين فكرة ممكن ماتكنش جديدة بس بتعبر عن الحالة اللى انا عايشها فى الوقت الحالى وهى: محاولة الخروج من الظلام الى النور، واللى حسيت فى الاسابيع القليلة الماضية انها (المحاولة) بتبدا تتحول لواقع، حيث شاء القدر ان اكون اكثر قربا من بعض الاصدقاء اللى طاقتهم الايجابية عالية، مما كان له تاثير ايجابى على قدراتى الابداعية ورؤيتى للواقع المحيط والتعامل معه بشكل افضل.
وهنا حاذكر كلمة المصور الفوتوغرافى المبدع فادى Fadi Gwanny (Gwannian Photography) جوانى فى محاضرته فى مؤتمر الصورة ٢٠١٥ زى ما فهمتها: "علشان تكون مبدع قرب دايما من من الناس الايجابيين، وابعد تماما عن اى حد طاقته سلبية..."
مايمنعش ان فيه ناس معينين عندهم طاقة سلبية عالية شوية حاليا - هم عارفين نفسهم 
smile emoticon - مش حايقدر الواحد يبعد عنهم. مافيش مشكلة من شوية طاقة سلبية صغيرين

الأحد، 10 مايو، 2015

مالوش اسباب


فى الآونة الاخيرة بدات اتجه الى تصوير المساجد الاثرية الموجودة بالقاهرة واللى اغلبها فى شارع المعز. وفى المعتاد كنت اختار احد هذه المساجد واتوجه اليه من اول اليوم حيث اقضى معظم اليوم للحصول على عدد محدود من الصور.
لكن الموضوع ماكنش تصوير وبس لان بمجرد الدخول الى المكان كان بيتلاشى البعد الزمنى واشعر اننى اصبحت اسير المكان واننى ارغب فى قضاء بقية حياتى به.
نفس الاحساس ده ممكن تحسه مع شغل بتحبه ،مع حالة حابب تكون عايشها، او انسان بتحب دايما تتواصل معاه بدون سبب واضح.
ولاننا اعتدنا ان اى حاجة بنعملها لازم يكون لها مردود مادى ملموس فبنخترع اسباب نبرر بيها الاستمرار فى العلاقة بالمكان اللى انجذبنا ليه، او الحالة اللى بنعيشها، او الانسان اللى عندنا الرغبة فى التواصل معاه، ودى اكبر غلطة ممكن نعملها لان الحب مالوش اسباب.

الخميس، 15 مايو، 2014

بالسكر احلى

لكل منا ما نخاف لقاؤه طيلة حياتنا، مثل الخوف من فقدان شخص نحبه، او فقدان الوظيفة التى تؤمن معاشنا، او الفشل فى تحقيق احد الاهداف الاساسية فى حياتنا او ... . بالنسبة لى كانت الاصابة باحد الامراض المزمنة هو اكثر ما اخافه، الى ان حدث منذ ستة اشهر ان بدات اصاب باعراض مرضية لا قبل لى بها والتى كان لها تاثير على صحتى وتركيزى آنذاك، مما أثر على عملى، وافقدنى القدرة احياناً على الذهاب الى العمل. وبعد مجموعة من التحاليل الطبية تم تشخيص هذه الاعراض على انها بسبب مرض السكر من النوع الثانى.

الأحد، 23 سبتمبر، 2012

كايروكي - احنا الشعب - ما خدمك الا من سجنك



أغنية احنا الشعب - الكلمات من القصيدة الرائعة - الاحزان العادية - لشاعرنا الرائع عبد الرحمن الابنودى كتبها عام 1981
الغناء لفريق كايروكى اللى بيتفوقوا على انفسهم مع كل عمل جديد قدموه بعد الثورة

كلمات الاغنية

من كل جهات المدن الخرسا
الوف شبان
زاحفين بينادوا بموت الفجر
استنوا الفجر ورا فجر
ان القتل يكف
طب ان القبضه تخف
ولذلك خرجوا يطالبوا
بالقبض على القبضه
وتقديم الكف
الدم

الأحد، 5 أغسطس، 2012

Ebtesam ElGohary 2nd Pottery Painting Collection

Souma's Pottery collection, Sidi KreerSouma's Pottery collection, Sidi KreerSouma's Pottery collection, Sidi KreerSouma's Pottery collection, Sidi KreerSouma's Pottery collection, Sidi KreerSouma's Pottery collection, Sidi Kreer
Souma's Pottery collection, Sidi KreerSouma's Pottery collection, Sidi KreerSouma's Pottery collection, Sidi KreerSouma's Pottery collection, Sidi KreerSouma's Pottery collection, Sidi KreerSouma's Pottery collection, Sidi Kreer
Souma's Pottery collection, Sidi KreerSouma's Pottery collection, Sidi KreerSouma's Pottery collection, Sidi KreerSouma's Pottery collection, Sidi KreerSouma's Pottery collection, Sidi KreerSouma's Pottery collection, Sidi Kreer
Souma's Pottery collection, Sidi KreerSouma's Pottery collection, Sidi KreerSouma's Pottery collection, Sidi KreerSouma's Pottery collection, Sidi KreerSouma's Pottery collection, Sidi KreerSouma's Pottery collection, Sidi Kreer

عمارة الفقراء

عمارة الفقراء: عنوان كتاب المعمارى المصرى عاشق هذا الوطن "حسن فتحى" . الكتاب هو خلاصة تجربة الكاتب فى بناء قرية القرنة بصعيد مصرحيث استطاع ان يقدم الحل لواحدة من اكبر المشاكل التي كانت تواجه الفلاح المصري في الأربعينات - مشكلة المسكن - مع ما لاقاه من مشاكل وعراقيل من موظفو النظام الحاكم واصحاب المصالح الذين رأوا فى فكره تهديدا لمصالحهم. وباعتقادى انه لو لم يتم محاربة فكر هذا الرجل (وسابوه فى حاله) لاستطاع ان يغير شكل الحياة ببلدنا وان يجنبنا كثيرا من المشاكل التى نعيشها. وما اشبه اليوم بالبارحة.
فى السطور التالية من هذه  التدوينة مقتطفات لبعض ما ورد بالكتاب (مع بعض التعليق)